చందమామలో మొదటి కార్టూన్ ధారావాహిక - గలివర్ ట్రావెల్స్

పిల్లల పుస్తకంలో కార్టూన్ ధారావాహిక లేకపోవటమేమిటి అనుకున్నరల్లేఉంది చందమామ వారు, 1960 ఏప్రిల్ నుండి 1960 డిసెంబరువరకు గలివర్ ట్రావెల్స్ ప్రచురించారు. ఈ ధారావాహికకు బొమ్మలు వేసినది ఎవరో తెలుసా? బాపు గారు. ఈ అద్భుతమైన ధారావాహికను దొరికినంతవరకు పోగుచేసి ఒక ఫైలుగా చేసాను. స్కానింగు నాణ్యం అంత బాగా లేదు. అయినా పరవాలేదు చదవచ్చు.

ఈ ధారావాహికతోపాటుగా,మరి రెండు కార్టూన్ కథలను కూడ జతపరిచాను.
1) మంత్రాల మల్లి
2) హనుమంతుడి కథ

ఈ రెండిటికీ బొమ్మలు ఎవరు వేశారో తెలియటంలేదు. బహుశా వడ్డాది పాపయ్య గారనుకుంటాను.ఈ రెండు కార్టూన్ కథలను నవంబరు 1964 మరియు నవంబరు 1962లో దీపావళి ప్రత్యేక సంచికలలో ప్రచురించారు.

చివరలో రెండు పాపయ్య గారి చక్కటి బొమ్మలు కలిపాను. ఈ బొమ్మలు పురాణ సంబంధం కాదు. రెండూ కూడ దేశభక్తి పూరకమైనవి ఒకటి 1965లో మరొకటి 1963లో వేసినవి. ముఖ్యంగా చైనా దాడి నుండి భారత్ ఎలాగోలా బయటపడిన తరువాత వెయ్యబడ్డ చిత్రం, పాపయ్య గారు చైనాను చిత్రించిన విధం అద్భుతం. బారత మాతను, బారత ప్రజలను చూసి బెదిరిపోతున్న డ్రాగన్ లాగ వేశారు. డ్రాగన్ మొహం చైనా వాడిది వేసారు, అందులో మావో పోలికలను తెప్పించారు.