24, నవంబర్ 2009, మంగళవారం

పాత చందమామలు ఏమైపోయ్యాయి

తిరుపతి తిరుమల దేవస్థానం వారి ఆధ్వర్యంలో చందమామ సంచికలన్నీ డిజిటైజు చెయ్యబోతున్నారన్న వార్త చదివిన చందమామ అభిమానులందరూ ఎంతగానో ఆనందించారు.

వారి కలలు నిజం చేస్తూ, కొంతకాలానికి తెలుగు చందమామలు మొదలు పెట్టినప్పటినుంచి (జులై 1947) డిజిటల్ ఫైళ్ళుగా పి డి ఎఫ్ రూపంలో ఉలిబ్.ఆర్గ్ వెబ్‌సైటులో దర్శనమిచ్చాయి. అలాగే చందమామ వారు కూడ తమ వెబ్‌సైటులో ఈ చందమామ ఫైళ్ళను ఉంచి డౌన్లోడ్ సౌకర్యంకూడ కలిగించారు.

రెండుచోట్ల చందమామల పాత సంచికలన్ని లభ్యం కావటం, చందమామవారు ఎటువంటి షరతులు లేకుండా డౌన్లోడ్ వారిసైటులోనే అనుమతించటం చందమామ అభిమానులకు ఆనందం కలిగించింది. ఎంతోమంది ఆ ఫైళ్ళను డౌన్లోడ్ చేసుకుని, తమ వద్ద భద్ర పరుచుకుని చదివి ఆనందిస్తున్నారు. తెలుగు పత్రికా ప్రపంచంలో పాత సంచికలన్ని తమ వెబ్ సైటులో ఉంచిన ఘనత చందమామవారిదే, మరే ఇతర పత్రిక ఇంతవరకు ఇటువంటి మంచి పని చెయ్యలేకపోయింది.

కొంతకాలానికి, చందమామ వారి వెబ్ సైటులో డౌన్లోడ్ సౌకర్యం తొలగించబడి, పి డి ఎఫ్ ఫైళ్ళ స్థానంలో ఫ్లాష్ ఫైళ్ళు దర్శనం ఇచ్చాయి. ఇవి కూడ బాగున్నాయి, చక్కగా పాత చందమామ చదువుతున్న అనుభూతి కలుగుతున్నది. కాకపొతే అవి చదవలంటే ఇంటర్ నెట్‌కు తప్పనిసరిగా అనుసంధానమై ఉండాలి.

ఉలిబ్.ఆర్గ్ లో డౌన్లోడ్ అవకాశం కొనసాగింది. కాని ఇప్పుడిప్పుడే అనేకమంది చందమామ అభిమానులు ఉలిబ్.ఆర్గ్ వెబ్సైటుకు వెళ్ళి పాత
చందమామలను చూద్దామని ప్రయత్నిస్తే అసలు కనపడటంలేదట. నేను కూడ్ ఈరోజు ఎంత ప్రయత్నించినా, ఎన్ని రకాలుగా వెదికినా చందమామలు కనపడలేదు.

ఏమయ్యింది?? చందమామలను నలుగురికీ కనపడే సైటునుంచి తొలగించారా మరిప్పుడు ఎక్కడ దొరుకుతాయి??

పాత చందమామల ప్రతులు ఇప్పుడు ఎలాగూ దొరకవు, ఒకవేళ ఎవరైనా పెద్దవారు అప్పటి ప్రతులను కాపాడి పదిలపరిచినా, అవి కాలవశాన సరైన స్థితిలో ఉంటాయా అని సందేహం. ఇటువంటి పరిస్తితులలో, డిజిటల్ రూపంలో ఉన్న పాత చందమామలు, చందమామ అభిమానులను ఎంతగానో అలరించాయి, ఇప్పుడున్న చందమామ సర్కులేషన్ పెరగటానికి బాగా దోహదపడ్డాయి. ఇప్పటి పిల్లలు, పాత చందమామలగురించి ఏమీ తెలియని 20-30సంవత్సరాల వయస్సువారు, ఈ డిజిటల్ చందమామలను చూసే, ప్రింటు చందమామ పట్ల ఆకర్షితులైనారన్న విషయం ఒక నిజం.

ఉలిబ్ వారు ఎందుకు ఈ డిజిటల్ ఫైళ్ళను తీసేశారో తెలియదు. చందమామ అభిమనులందరూ, కింద ఇచ్చిన లింకు నొక్కి ఉలిబ్ వారికి ఈ విషయంలో తమ తమ అభిప్రాయాలని తెలియచెయ్యటం వల్ల ఏమన్న ఉపయోగం ఉంటుందేమో!

అభిప్రాయం

4 కామెంట్‌లు:

  1. sir...
    www.esnips.com...denilo konni book's vunnayi..

    exactga cheppali ante..1947 nunchi 1970 varaku(konni miss)..

    search ki velte dorukutayi..

    1970's tarvatha book's link mee teliste naaku cheppandi

    రిప్లయితొలగించండి
  2. ulib వారికి నేను మెయిల్ చేసి చన్దమామ లింకులు ఎందుకు తొలగించారని అడగ్గా వారు చెప్పిందేమిటంటే చన్దమామ యాజమాన్యం ఆదేశం మేరకు వాళ్లు లింకులు తొలగించారు. మళ్లీ చన్దమామ కార్యాలయానికి ఫోన్ చేసి అడిగితే వాళ్లు చెప్పిందేమిటంటే - తిరిగి పాత చందమామ పుస్తకాలను అచ్చేస్తున్నారంట.

    రిప్లయితొలగించండి
  3. Dear Chandra,

    whatever you want to tell just mail me. I check my mail frequently. You know how to get my mail.

    రిప్లయితొలగించండి

1. అజ్ఞాతంగా, వివరాలు లేని ప్రొఫైల్ తో వ్రాసే వ్యాఖ్యలు ప్రచురించబడవు.
2. దయచేసి వ్యాఖ్యలు తెలుగులో కాని ఆంగ్లంలో కాని వ్రాయగలరు
3. ఆంగ్ల లిపిలో వ్రాసిన తెలుగు వ్యాఖ్యలు చదవకుండానే తొలగించబడతాయి.
4. వ్యాఖ్యలు వ్యాసానికి సంబంధించి విశ్లేషణాత్మకంగా వ్రాయాలని వినతి.