25, ఆగస్టు 2009, మంగళవారం

వారెవ్వా, ఏమి వీడియో భాయి- జెండాను గౌరవించటం ఆయన్ని చూసి నేర్చుకోవాలి

ఒక్కోసారి అనుకోకుండా ఆణిముత్యాలు దొరుకుతాయి. అటువంటి ఆణిముత్యమే ఈ చక్కటి లఘు చిత్రం చూసి ఆనందించండి. సినిమా హాల్లో జాతీయ గీతం వేస్తుంటే గొర్రెల్లాగా వెళ్ళిపొయ్యేవాళ్ళకి లాక్కెళ్ళి చూపించండి వాళ్లు చుట్టాలయినా, స్నేహితులయినా సరే.

పాత కాలంలో అంటె 1970ల వరకూ కూడ సినిమా హాళ్ళల్లో సినిమా అన్ని ఆటలు అయినాక జాతీయ గీతం తప్పనిసరిగా జెండా ఎగురుతూ ఉండగా బాక్ గ్రౌండ్ లొ జాతీయ గీతం శాస్త్రోక్తంగా వస్తూ ఉన్న ఫిల్ము వేసి తీరాలి. కాని రాను రాను , జండా బొమ్మ జాతీయ గీతం వస్తుండగానే గౌరవంగా నుల్చునే వ్యక్తులను వేళ్ళ మీద లెక్కబెట్టవలిసిన పరిస్థితి, మిగిలిన వాళ్ళు గొర్రెలమందలాగ అలా గౌరవంగా నుంచున్న వాళ్ళను తోసుకుంటూ వాళ్ళని తిట్టుకుంటూ (అడ్డoగా నుంచున్నందుకు) విసుక్కుంటూ ఉండే పరిస్థితి వచ్చింది. ఇది చూసి ప్రభుత్వం, ఇలా రోజూ మూడు ఆటలు, ఆదివారాలు పండుగలకు నాలుగాటల చొప్పున జాతీయ గీతo, జెండా అవమానించబడటాన్ని చూడలేక, భరించలేక, జెండాను గౌరవించలేని జాతిని శిక్షించలేక, అలా జండా చూపిస్తూ జాతీయ గీతాన్ని వినిపించటం కంపల్సరీ కాదు అని ప్రకటించారు. సినిమా హాళ్ళ వాళ్ళు ఆ జండా రీళ్ళన్ని "హమ్మయ్య" అని ఆవతల పారేశారు.

ఇప్పుడు కూడ చూడండి, జాతీయ గీతన్ని, సినిమా మొదట్లోనే చూపిస్తుంటారు కొన్ని హాళ్ళల్లో. ఎందుకూ? ప్రేక్షకుడు సినిమా చూడాలి కదా, వెళ్ళిపోడు అందుకని. ఇప్పటికి కూడ సినిమా ఐపొయ్యాక జండాను, జాతీయ గీతన్ని చూపిస్తే ఎంతమంది నుంచును ఉంటారు. పైగా ఇప్పుడు వచ్చే బేవార్సు సినిమాలకు వచ్చే ప్రేక్షకులకు జాతీయ గీతమేదో కూడా తెలియదాయె మరి.

ఇదే విధంగా ఆకాశవాణి కార్యక్రమాలు అన్ని అయిపోయినాక, రాత్రి పదిన్నర కు ప్రసారాలు జాతీయ గీత ఆలాపనతో అంతమయ్యేవి. కాని అక్కడ కూడ ప్రభుత్వానికి ఒక అనుమానం వచ్చింది, ప్రజలు ఎటువంటి స్థితిలో ఉండి ఈ జాతీయ గీతం వింటున్నారో కదా, అలా వింటూ నుంచుని గౌరవించ గలిగిన స్థితిలో ఉంటారో లేదో , అసలే జనభా తెగ పెరిగి పోతొంది, వాళ్ళను డిస్టర్బ్ చెయ్యటం దేనికి , అని అలా జాతీయ గీతాన్ని రోజూ వీనిపించటాన్ని కూడ 1970లలోనే మానుకున్నారు.

ఈ కింది వీడియో చూసి ఆనందించండి

జెండాను గౌరవించటం ఆయన్ని చూసి నేర్చుకోవాలి


విజయవర్ధన్ మీకు నా ధన్యవాదాలు, ఇటువంటి చక్కటి వీడియోని నాకు చూపించినందుకు.

ఇటువంటి వీడియేలు మరి కొన్ని ఈ కింది బ్లాగులో ఉన్నాయి

భారతీయం

4 కామెంట్‌లు:

1. అజ్ఞాతంగా, వివరాలు లేని ప్రొఫైల్ తో వ్రాసే వ్యాఖ్యలు ప్రచురించబడవు.
2. దయచేసి వ్యాఖ్యలు తెలుగులో కాని ఆంగ్లంలో కాని వ్రాయగలరు
3. ఆంగ్ల లిపిలో వ్రాసిన తెలుగు వ్యాఖ్యలు చదవకుండానే తొలగించబడతాయి.
4. వ్యాఖ్యలు వ్యాసానికి సంబంధించి విశ్లేషణాత్మకంగా వ్రాయాలని వినతి.