పాత ఇంగ్లీషు పాటలు

పాశ్చాత్య సంగీతంలో కూడా మన పాటలలో వచ్చినట్టె చాలా మార్పులు వచ్చాయి. ఆధునికం పేరుతొ పాటలు అర్థం కాకుండా పొయ్యాయి. 1950-70 లలో వచ్చిన పాటలకు సాహిత్యమంటూఉంది కొద్దోగొప్పో అర్థం అవుతూ ఉండేవి. సంగీతం, పాటకు వెనుక ఉండేది కాని పాటకు బదులుగా ఉండి అర్థం పర్థం లేని శబ్ద రచనగా ఉండేదికాదు, వాయిద్యాల మధ్య వైవిధ్యం తెలిసేది. అలనాటి పాతపాటలమీద మీద మక్కువ ఉన్నవారికి ఒక మంచి సైటు ఉన్నది. ఈ కింది లంకె నొక్కండి:
పాత ఇంగ్లీషు పాటలు
ఇందులో సంవత్సరాలవారిగా కొన్ని పాత ఇంగ్లీషు పాటలు జూక్ బాక్సులో పెట్టటం జరిగింది. ఒక్కొక్క సంవత్సరం నొక్కగానే, ఒక జూక్ బాక్సు ప్రత్యక్షమై ఆ సంవత్సరంలోని హిట్ పాటలను వినిపిస్తుంది. అలాగే కొన్ని ప్రత్యేక చానేల్సు కూడా ఉన్నాయి. ఒక వరవడికి సంబంధించిన పాటలు అంటే కంట్రీ ( జానపద ) పాటలు, డాన్సు పాటలు, జాజ్ సంగీతం, కంట్రీ యుగళగీతాలు ఇలా చాలా ఉన్నాయి. ఆయా చానేళ్ళను నొక్కగానే, ఒక చిన్న ప్లేయర్ అక్కడున్న పాటలను మనకు వినిపిస్తుంది.

ఈ సైటులో పాటలను వినటానికి మాత్రమె వెసులుబాటు ఉన్నది. విని ఆనందించగలరు.