ఈ మధ్య మన రాష్ట్రానికి మెరుపు వరదలు వచ్చినాయి. ఈ వరదల గురించిన కొన్ని శేష ప్రశ్నలు
- వాతావరణ కేద్రాలు రాష్ట్రంలో ఈప్పుడు ఎంత వర్షపాతం పడే అవకాసం/ప్రమాదం ఉన్నది అని హెచ్చరించగల స్థితిలో ఉన్నాయా లేదా?
- అల్లాంటి సామర్ధ్యం ఆ యా కేంద్రాలకు ఉంటే, వారు ఎప్పుడు ఎ విధమైన హెచ్చరికలు చేసారు ఎ ఎ ప్రాంతాలలో వర్షం పడే అవకాశంఉన్నదని వారు చెప్పినట్టుగా ఉన్నది
- అటువంటి వాతావరణ హెచ్చరికలు వచ్చినప్పుడు రాష్ట్ర ప్రభుత్వంలో ఎవరు చూసి స్పందించాలి. అలా ఎవరికన్నా ప్రత్యేకంగా బాధ్యత ఇవ్వబడినదా?
- అలా ఎవరికీ బాధ్యత ఇవ్వకపోతే అందుకు కారణం ఏమిటి? పూర్తిగా పరిపాలనా సామర్ధ్యపు లోపమా ?
- అటువంటి బాధ్యత ఎ వ్యక్తికి గాని, శాఖకు గాని ఇవ్వబడి ఉంటే వారు ఏమి చేసారు.
- అంత భారీ వర్షం పడుతున్నప్పుడు, (పడటం మొదలు పెట్టినాక) అలా జరుగుతున్నా వైనం గమనించే యంత్రాంగం మనకు ఉన్నదా? ఉంటే వారేమి చేసారు, ఎవరికీ చెప్పారు. అలా చెప్పబడినవారి బాధ్యత ఏమిటి.
- రాష్ట్రంలో ఎ ప్రాంతంలోనైనా సరే వర్షం భారీగా పడుతూ, వరద ప్రమాదం ఉన్నప్పుడు తగిన చర్యలు తీసుకోవలసిన బాధ్యత ఎ శాఖ ది
- పైన ఎగువ ప్రాంతాలలో భారీవర్షాలు పడుతున్న విషయం గమనించినప్పుడు రాబొయ్యే ప్రమాదాన్ని పసిగట్టి మనకున్న ప్రాజేక్టులవద్ద, నీరు వదలటమా వదలక పోవటమా అన్నా కీలక నిర్ణయాలు తీసుకునే అధికారం గలిగిన ఆఫీసర్లు ఉంటారా?
- వరదలను నివారించటానికి నీళ్లు వదలటం లేదా మళ్ళించటం వంటి చర్యలు, మామూలుగా అధికారులు వారి రోజువారి పనిలో భాగంగా నిర్ణయాలు తీసుకునే అవకాశం ఉన్నదా లేక తప్పనిసరిగా మంత్రుల అనుమతి తీసుకుని తీరాలా.
- శ్రీశైలం ప్రాజెక్టు రిజర్వాయర్ లోకి నీరు వచ్చి చేరుతున్నదని, మరింత నీరు వస్తే ప్రమాదమని ఎప్పుడు గమనించారు. నీరు వదలాలి అని నిర్ణయం తీసుకోవటంలో జాప్యం జరిగిందా. అలా జాప్యం జరిగితే, దానికి కారణం కన్న బాధ్యులు ఎవరైనా ఉన్నారా
- వరదలు రావటానికి రాజకీయ నాయకుల అనుచిత చర్యలు కారణమన్న అరోపణకి జవాబు చెప్పకుండా, బాధితులను ఆదుకోవాలని సాకు చెప్పి తప్పించుకోవటం ఎంతవరకు సమంజసం.
- ఇంత ఘోరమైన వరదలు వచ్చి ప్రలందరూ నానా అగచాటులు పడుతుండగా, ముఖ్యమంత్రి, రాత్రిపూటకూడ సెక్రటేరియట్లోనే ఉండి పరిస్థితి గమనిస్తూ తగిన ఉత్తర్వులు ఇస్తూ ఉండగా, నీటి పారుదల శాఖ మంత్రిగారైన శ్రీ పొన్నాల లక్ష్మయ్య గారు ఎక్కడ ఉన్నారు?
దయచేసి ఈ వ్యాసం చూసిన వారు, ఈ బ్లాగులోనే కుడిపక్కన బాగా పైన ఉన్న పోల్ లో ఓటు వెయ్యగలరు. ఓటు వేసేప్పుడు, దయచేసి ఎమోషనల్ గా కాకుండా, ఆ విషయం మీద పూర్తి అవగాహనతో వోటు చెయ్యమని మనవి ప్రార్ధన
శివరాం గారూ,
రిప్లయితొలగించండినా ఓటు ఆరోజే వేసేశాను. కామెంట్ పెట్టడం మర్చిపోయాను. ఇదీ సంగతి.