అదొక అద్భుత కార్యక్రమం. ఒక అనూహ్యమైన అనుభవం. ఇన్ని రోజులూ వారి వారి గొంతులు వినటమే కాని, వారి పేర్లు వినటమే కాని చూసే అవకాశం రాలేదు. మొన్న ఆదివారం అంటే 23 మే 2010 న హైదరాబాదులోని రవీంద్ర భారతిలో జరిగిన కార్యక్రమం నభూతో నభవిష్యతి. కాని నభవిష్యతి అన్నమాటకు చిన్న సవరణ. ఈ కార్యక్రమ స్పూర్తితో ఇంకా అన్ని ఆకాశవాణి కేంద్రాలలోనూ ఇటువంటి కార్యక్రమాలు జరగాలని ఆకాంక్ష. దశాబ్దాలుగా ఆకాశవాణిలో మనకు వినబడుతున్న లబ్దప్రతిష్టులైన ఎంతోమంది కళాకారులు అందరూ ఒకే చోట దర్శనం. అంతేకాదు, వారందరికీ సన్మానం, అవార్డుల ప్రదానం.అక్కడే అలనాటి కళాకారుల ఫోటో ప్రదర్సన ఏర్పరిచారు. అందులో కొన్ని ఫొటోలు ఇక్కడ ఇస్తున్నాను.
ఈ మొత్తం కార్యక్రమానికి హై-లైటు రేడియో కళాకారుల జీవిత వివరాలను తెలిపే ఒక చక్కటి పుస్తక ఆవిష్కరణ. అంతకంటే, వారి వారి గొంతులతో (ఆకాశవాణి ఆర్ఖైవ్స్ నుండి తీసుకున్న) ఒక సి.డి ఆవిష్కరణ. కాకపొతే ఆ పుస్తకం కాని, సి.డి కాని అక్కడే అమ్మకానికి ఉండి ఉంటే ఎంతో బాగుండేది.
ఒక అద్భుతమైన కార్యక్రమాన్ని తిలకించే అదృష్టం కలిగింది. ఈ కార్యక్రమాని కంతకూ అన్నిటా తానె అయ్యి మొదటి నుండి చివరివరకూ నిర్వహించిన శ్రీ మురళీ కృష్ణగారు ధన్యులు. వారికి రేడియో అభిమానులందరి తరఫునా ధన్యవాదాలు.
ఇంకా అనేకమైన అపురూప చిత్రాలు
మొట్టమొదటి మహిళా న్యూస్ రీడర్ శ్రీమతి జోళిమాళియం మంగమ్మ
ఆకాశవాణి మొట్టమొదటి న్యూస్ రీడర్ శ్రీ కపిల సీతాపతి
పిల్లల కార్యక్రమంలో పాల్గొంటున్న శ్రీ మంగళంపల్లి బాలమురళీ కృష్ణ 
మధ్యలో ఉన్నవారు ప్రముఖ రేడియో నటి శ్రీమతి నాగరత్నమ్మ. అటు ఇటు ఉన్నవారు ఎవరో తెలియదు. వారూ రేడియో కళాకారులే అయ్యి ఉంటారు. వి.బి కనక దుర్గ మరియు వింజమూరి లక్ష్మి అని నా ఊహ. తెలిసినవారు ఎవరైనా తెలియచేయగలరు (నా ఊహ నిజమయ్యింది. అమెరికా నుండి శ్రీ ఎం వి ఎల్ ప్రసాదు గారు తెలియచేసారు, నాగరత్నం గారి కి ఎడమ పక్కన ఉన్నావిడ వింజమూరి లక్ష్మి గారు )
అప్పట్లో సినీ కళాకారులు రేడియో నాటకాల్లో పాల్గొనే వారు. పై ఫోటోలో ప్రముఖ సినీ నటి శ్రీమతి ఋష్యేంద్రమణి ని చూడవచ్చు. ఫోటోలో ఉన్నది కన్నాంబ అని వ్రాసారు కాని అది తప్పు.
రేడియో కళాకారులు, సినీ కళాకారుల మేలు కలయిక. గోవిందరాజుల సుబ్బారావు (కూచున్నవారిలో మధ్య) ఆయనకు ఎడమ పక్క రేడియో భానుమతి, వెనుక వరుసలో ఎస్వీ రంగారావు. అందరి పేర్లూ తెలిస్తే ఎంత బాగుండునో కదా
ఆకాశవాణి ఢిల్లీ కేంద్రం నుండి వార్తలుచదివిన అలనాటి తెలుగు న్యూస్ రీడర్లు. వారిలో సినీ నటుడు జగ్గయ్యను కూడ చూడవచ్చు. కాని కుడిపక్కన చివరగా ఉన్నవారి పేరు తెలియదు. ***
ఈ రేడియో కళాకారుల పురస్కార కార్యక్రమం మిస్సయ్యాను. మీ స్లైడ్ షోలో కళాకారులందరి ఫొటోలు చూస్తుంటే.. అలనాటి ప్రోగ్రాములూ, వార్తలూ తలపుకొచ్చాయి.
రిప్లయితొలగించండిపుస్తకం, సీడీ అమ్మకానికి పెట్టివుంటే ఎంతోమంది అభిమానులు వాటిని కొనుగోలు చేసివుండేవారు. దీని గురించి నిర్వాహకులు ఎందుకు ఆలోచించలేదో!
ధన్యవాదాలు వేణూగారూ. ఆ పుస్తకం, సి డి గురించి ఎందరినో అడిగాను. కాని ఎవరికీ సరిగ్గా తెలియదు. సుధామ గారికి ఇప్పుడే ఒక మైలు ఇచ్చాను. వారు తెలియచేస్తే ఆ చిరునామా నుండి తెప్పించుకోవచ్చు. లేదా వాచస్పతి సాంస్కృతిక సంస్థ ఎ మైలు సంపాయించి వారిని సంప్రదించాలి. ఏమైనా ఈ పుస్తకం, సిడిలు అక్కడే అమ్మకానికి పెట్టకఫోవటం రేడియో అభిమానులను తీవ్రంగా నిరాశపరిచింది.
రిప్లయితొలగించండిశివ గారూ !
రిప్లయితొలగించండిఅరుదైన రేడియో కళాకారుల చిత్రాలను అందించిన మీకు ధన్యవాదాలు.
చాలా బావుంది. ధన్యవాదాలు
రిప్లయితొలగించండిశివ గారూ !
రిప్లయితొలగించండిఅరుదైన రేడియో కళాకారుల చిత్రాలను అందించారు......ఇలా ప్రతీసారీ అరుదైన విషయాలు చెబుతున్నారు. మీకు నా ధన్యవాదాలు !
SR Rao , KottapaaLi and Dharaniroy Chowdari, I Thank all of you for coming to my blog and leaving your good comments
రిప్లయితొలగించండినాగరత్నమ్మగారి ఫొటో చూడ్డం ఎంతో బావుంది. బామ్మ పాత్రలకు(గణపతిలో గణపతి తల్లి గా వేసినావిడ)పెట్టింది పేరు శ్రీమతి సీతారత్నమ్మ గారెలా ఉంటారో అన్నది ఈనాటికీ తెలీదు.అరుదైన ఫోటోలు కూడా సంపాదించినందుకు మరీ మరీ కృతజ్ఞతలు!
రిప్లయితొలగించండిరేడియో అభిమానులకు అపురూపమైన వ్యాసమిది. అభినందనలు. ఈ సందర్భంలో వెలువరించిన పుస్తకం, సి.డి.వివరాలు తెలుపగలరు.
రిప్లయితొలగించండి-cbrao
Mountain View, CA.
శివప్రసాద్ గారూ,నా పై వ్యాఖ్యకు ముందు నేను ఇంకో వ్యాఖ్య రాశాను. అది మీకు వచ్చినట్లు లేదు. మీ టపా చదివాక కన్నీళ్ళొక్కటే తక్కువ నాకు! మనం ఈదే ఒక చెంచాడు భవసాగరాలు (ముఖ్యంగా స్త్రీలు)మనకు ప్రియమైన వాటిని కోల్పోయేలా ఎలా చేస్తాయో చూడండి.అందుకు ఉదాహరణ నేనే!
రిప్లయితొలగించండిప్రతి ఉదయం లేస్తూనే రామం మెత్తని స్వరంతో ప్రారంభించే భక్తి రంజనితో రోజులు మొదలయ్యేవి ఒకప్పుడు. విజయవాడ రేడియో అనౌన్సర్లు పెద్ద సెలబ్రిటీలు మా ఇంట్లొ! మా అక్కయ్య వాళ్ళు కాలేజీ డే కి కోకా సంజీవ రావు గార్ని ముఖ్య అతిథిగా పిలిచారంటే చూడండి! పేరి కామేశ్వర్రావు గారు,డీయెస్సార్,మల్లాది సూరిబాబు,కమలకుమారి,మాడుగుల రామకృష్ణ గార్లు హాట్ ఫేవరెట్స్ మాకు!
"ఆకాశ్శవాణి"అంటూ శ అక్షరాన్ని మాత్రమే వత్తి పలుకుతూ వార్తలు చదివే కందుకూరి సూర్యనారాయణ గారు హైదరాబాదు వచ్చారని తెలిసీ కలుసుకోలేకపోవడం నాకే ఆశ్చర్యాన్ని కల్గిస్తోంది. ఆయనతో పాటు అద్దంకి మన్నార్ గారు,మామిళ్ళపల్లి రాజ్యలక్ష్మి గారు కూడా వార్తలు భలేగా చదివే వారు.ఒక్క తప్పుగానీ,తడబాటు గానీ,పొరపాటు గానీ ఉండేది కాదు.
నండూరి సుబ్బారావు, వీబీ కనకదుర్గ గార్ల లఘునాటికలు టపాసుల్లా పేలేవి!
మీరు అదృష్టవంతులు!వారిలో కొందరినైనా చూడగలిగారు.
మొత్తానికి వరసాగ్గా అద్భుతాల గురించి రాసి నన్ను మరింత ఉడికిస్తున్నారు.
మంచి ప్రోగ్రాంకి వెళ్లి వచ్చారు చాలా సంతోషం. నేను ఎప్పుడూ రేడియో వినడమే కానీ పేర్లు గుర్తు ఉంచుకోలేదు. ఇప్పుడు వీరందరి ఫోటోలు చూడడం చాలా థ్రిల్లింగ్ గా ఉంది.
రిప్లయితొలగించండిమీ బ్లాగు...అద్భుతం
రిప్లయితొలగించండిమీ ఫోటోలలో నాగరత్నం గారి ఎడమ పక్కన ఉన్న ఆవిడే వింజమూరి లక్ష్మి గారు...నాకు చిన్నప్పుడు బాగా తెలుసు ఆవిడ..మా ఇంట్లో పేరంటానికి వస్తూ ఉండేవారు.
Prasad MVL
First of all Thank you Prasad garoo for confirming my guess that Smt. Vimjamuri Lakshmi was in the photo with Smt. Nagaratnamma.
రిప్లయితొలగించండిThank you Sujata garu, CB Rao garu and Swarnamallika for your comments.
Sujata garoo! Most probably in the book that was published about which I mentioned, all the details may be available.
It is my intention to write about all the well known Radio Artists of yester years in my blog. I am in the process of collecting the details.
సుజాతగారూ. మీరు చెప్పే "ఇంతకు ముందు వ్యాఖ్య" నేను చూడలేదు. నచ్చటం నచ్చకపోవటంతో పనిలేదు, అన్ని కామెంట్లు నేను ప్రచురిస్తాను. కొన్ని సార్లు స్పాం కామెంట్లు వస్తుంటాయి. అవి నివారించటానికే కొంత కంట్రోలు ఉంచి నా అనుమతితోనే వ్యాఖ్యలు ప్రచురితమయ్యేట్టుగా కంఫిగర్ చేశాను. మీరు ఇంతకు ముందు వ్రాసిన వ్యాఖ్య ఏమిటో మళ్ళి వ్రాయండి.
రిప్లయితొలగించండిశివ గారూ,
రిప్లయితొలగించండిమా వ్యాఖ్యను మీరు సరిగ్గా చదీవినట్లు లేదు! "నా కామెంట్ మీకు "వచ్చినట్టు లేదు" అన్నాను. "Didn't u receive my comment?" అన్నానన్నమాట! ఇదే వ్యాఖ్య ఇంతకు ముందు కూడా రాశాను విజయవాడ రేడియో తో నా అనుబంధం గురించి! బ్లాగర్ లో సమస్య వల్ల మీకు అది రాలేదేమో అని మళ్ళీ రాశాను.
స్వర్ణమల్లిక గారూ, వింజమూరి లక్ష్మి గారు మీ ఇంటికొస్తూ ఉండేవారా? చాలా ఈర్ష్యగా ఉంది సుమా!
Sivaramaprasad garu:
రిప్లయితొలగించండిచాలామంచి టపా. అరుదైన ఫొటోలు అందించినందుకు ధన్యవాదాలు...
-సౌమ్య
సుజాత గారూ, ఒ కే ఇప్పుడు నాకు అర్ధమయ్యింది. ఏమిటా మీరు ఇట్లా అంటున్నారు అనుకున్నాను. సరే కంప్యూటర్లో "న" కు "వ" కు తేడా చాలా తక్కువగా ఉన్నది. తరువాత. వింజమూరి లక్ష్మిగారు, స్వర్ణమల్లిక గారింటికి కాదు వచ్చేది , ఎం వి ఎల్ ప్రసాద్ గారింటికి. ప్రసాద్ గారు నాకు మంచి స్నేహితులు, అమెరికాలో డల్లస్ లో ఉంటారు. ఆయన నేను ప్రచురించిన బొమ్మలను చూసి అందులో వింజమూరి లక్ష్మిగారిని గుర్తుపట్టి, తన చిన్ననాటి జ్ఞాపకం గుర్తుకు వచ్చి, నాకు మైలు చేశారు. అది నేను కామెంటుగా బ్లాగులో ఉంచాను.
రిప్లయితొలగించండిరేడియో అనగానే నా చిన్నతనం గుర్తొచ్చింది. ఉదయం నిద్ర లేవడంతో, సాయంత్రం పడుకునే ముందు, సమయం చిక్కినప్పుడల్లా (విజయవాడ,ఆకాశవాణి) రేడియో వినడం ఒక అలవాటుగా,దినచర్యగా ఉండేది.ఇటువంటి ఒక చక్కటి కార్యక్రమానికి హాజరైన మీరు అదృష్టవంతులు. ఈ టపాలో పాత రేడియో కళాకారులకు సంబందించిన చిత్రపటాలు, సమాచారము అందించినందుకుగాను కృతఙ్ఞతలు. ఇప్పటి కాలంలో రేడియో కన్నా టీవీ మిన్న అని నా ఉద్దేశం.
రిప్లయితొలగించండిదయచేసి, ఆ పుస్తకం మరియు సిడి వివరాలు తెలుపగలరు !
@తెలుగు పాటలు. మీ పేరు తెలియదు. రేడియో కన్నా ఈ రోజుల్లో టి.వి మెరుగు అన్నారు. అవును డి.డి 8 అయితే మెరుగు. మిగిలిన చానేళ్ళన్ని దండగమారివి. నా వ్యాసంలో వ్రాసిన పుస్తకం సి.ది వివరాలు ఇంకా తెలియలేదు. తెలిసినాక అందరితో పంచుకుంటాను.
రిప్లయితొలగించండి