రఘుపతి రాఘవ రాజారాం

రఘుపతి రాఘవ రాజారాం పాట మనకు సుపరిచితం. ఈ పాటను ఆఫ్రికా ఖండంలోని ఘనా దేశపు పాప్ గ్రూప్ 'ఒసిబిస' 1981 లో భారత దేశానికి వచ్చి ఇక్కడ కచేరీలు (concerts) చేసినపుడు ఇక్కడ ప్రముఖ నగరాలలో ఈ పాటను వారి శైలిలో ఆఫ్రికన్ డ్రమ్స్ నేపధ్యంలో పాడి శ్రోతలను ఉర్రూతలూగించారు. ఆ పాటను మీకోసం. ఈ కింది ప్లేయర్ లో హాయిగా వినండి.

వచ్చీ రాని వారి ఉచ్చారణలో ఈ పాట వినటానికి సరదాగా ఉంటుంది. మనదైన ఈ చక్కటి పాటకు వాళ్ళు ఇచ్చిన ఉపోద్ఘాతం కూడ సముచితంగా ఉన్నది.

అప్పట్లో భారత్ పర్యటన సందర్భంగా ఒసిబిస (Osibisa) గ్రూప్ వారు విడుదల చేసిన ఎల్ పి రికార్డులోనిది ఈ పాట. స్టుడియోలో పాడినది పాట కాదు, కచేరీ జరుగుతుండగా లైవ్ రికార్డింగు, ఆ తరువాత ఆల్బంలో చేర్చబడినది. నిజానికి, ఆ ఎల్ పి కి ఒక పక్క మొత్తం ఈ పాటే ఉన్నది. వినే శ్రోతలచేత కూడ ఈ పాటను రక రకాలుగా పాడించి వాళ్ళు స్టేజీ మీద డాన్సు చేస్తూ అందరినీ మైమరిపించారని అప్పుడు ఆ కచేరీలు చూడగలిగిన వాళ్ళు చెప్పినట్టు గుర్తు. ఎప్పటి మాట!! మూడు దశాబ్దాలు ఐపోయింది (1981 లో) .

ఆ ఎల్ పీ లో ఈ ఒక్క పాటే అతి కష్టం మీద దొరికింది. ఆ ఎల్ పీ ఎక్కడా దొరకటం లేదు. ఎక్కడో ఒకచోట కలెక్షన్లోఉండి ఉండవచ్చు. దొరికితే అన్ని పాటలూ వింటే ఇంకా బాగుంటుంది.

*