బ్లాగర్ల కలయిక

మనకు ప్రస్తుతం అందుబాటులో ఉన్న సాంకేతిక పరిజ్ఞానం పుణ్యమా అని మన అభిప్రాయాలను, అనుభూతులనుబ్లాగుల రూపంలో నలుగురితో పంచుకునే అవకాశం వచ్చింది. అలా ఎవరి బ్లాగులో వారు వ్రాసుకుంటూ, ఇతరులవ్యాసాలపై సద్విమర్శ, ప్రశంస చేస్తూ ఈ బ్లాగింగు అభిరుచిని ఆరోగ్యవంతంగా కొనసాగిస్తున్న తరుణంలో అనేమ మందిమిత్రులు లభిస్తున్నారు. ఇలా చాలా కాలం బట్టి మనకు తెలియకుండా, ఒకరినొకరు చూడకుండానే స్నేహం కలసినమిత్రులను కలుసుకోవటం ఒక మంచి జ్ఞాపకం. గడచినా ఆదివారం CB RAO గారు (దీప్తిధార) బెంగుళూరు వచ్చిఇక్కడ తెలుగు బ్లాగర్లందరికీ మైళ్ళు ఇచ్చి తానొక్కడే పూనుకుని, లాల్ బాగ్ లో ఒక చిన్న కలయిక ఏర్పాటు చేసారు. పిలిచింది దాదాపు ఇరవైమందికి పైగా వచ్చినది ఐదుగురు. ఏమైనా ఆ వచ్చిన వారినందరినీ కలుసుకోవటం అదేమొదటిసారి. లాల్ బాగ్ లో ఆదివారం సాయత్రం ఆహ్లాదకర వాతావరణం అనుభవిస్తూ, స్నేహితులతో చర్చించుకోవటంఒక అదృష్టంగా భావిస్తున్నాను. ఈ సందర్భంగా రావుగారు తీయించిన ఒక ఫోటో ఈ కింద ఇస్తున్నాను.

పై చిత్రంలో ఎడమ నుండి కుడికి 1.శ్రీమతి ఉమామహేశ్వరి , 2. శ్రీ సి.బి రావు, 3. శ్రీ చావల అర్జున్ రావు 4. శ్రీ శివరామ ప్రసాదుకప్పగంతు 4.శ్రీ ప్రవీణ్ గార్లపాటి మరియు 5. శ్రీ జి. త్రివిక్రమ్

ఈ సమావేశంలో, రాబోయే నేలనుండి ప్రతినెల బెంగుళూరులో తెలుగు బ్లాగర్ల సమావేశం ఏర్పాటు చెయ్యాలనిఅనుకున్నాము.

ఇదే విధంగా కొన్ని నెలల క్రితం ప్రముఖ బ్లాగరు శ్రీ రాజశేఖర రాజుగారు బెంగుళూరు వచ్చినప్పుడు, నా ఆహ్వానాన్నిమన్నించి మా ఇంటికి వచ్చారు. ఆయనతో గడిపిన ఐదారు గంటలు అద్భుతమైన చర్చలో నిమిషాల్లాగడిచిపొయినాయి. ఆరోజున తీసిన ఫోటో ఈ కింద ఇస్తున్నాను

ఇదేవిధంగా బెంగుళూరులో జరుగిన పుస్తక ప్రదర్శనకు వెళ్ళినప్పుడు బ్లాగాడిస్తా రవి మరియు నాగమురళి గార్లు నన్నునా బ్లాగులో ఉన్నసైడు ఫోజు ఫోటో చూసి గుర్తుపట్టి పలకరించటం ఒక చక్కటి అనుభవం. కాని ఆ సందర్భంగా ఫోటోతీయటం కుదరలేదు.

కొన్ని దశాబ్దాలక్రితం పెన్ ఫ్రెండ్స్ ఉండేవారు. దేశ దేశాల లో ఉన్న ఈ పెన్ను స్నేహితులను కలుసుకోవటం అనేది జరిగేది కాదు. ఎప్పుడన్నా జరిగినా అదొక అరుదైన సంఘటనగా మిగిలేది . నాకు హాం రేడియో హాబీలో అనేకమందితో రేడియోలోమాట్లాడటం జరిగేది . అలా మాట్లాడుకున్న వారిలో ఎప్పుడన్నా కొద్ది మందిని కలుసుకోవటం జరిగేది.

ఇలా రకరకాల అభిరుచులతో మంచి మంచి స్నేహితులు కావటం ఎంతైనా ఆనందకరమైన విషయం.