ఫోటో వ్యాఖ్యల పోటీ ఇక లేదు

నిన్ననే ఇదే బ్లాగులో చందమామలో అరవై సంవత్సరాల పైగా కొనసాగుతున్న ఫోటో వ్యాఖ్య పోటీ గురించి ముచ్చటగా వ్రాసి, మన పత్రికా చరిత్రలో ఇదొక అరుదైన శీర్షిక అని ఆనందించటం జరిగింది.

కాని ఈరోజున ఒక దుర్వార్త తెలిసింది. జూన్ నెల 2010 నుండి ఈ చక్కటి శీర్షికను ఆపివేస్తున్నారట. ఇంతకంటే దురదృష్టకరమైన విషయం మరొకటి లేదు. చందమామ ప్రస్తుతపు యాజమాన్యానికి చందమామ లో ఉన్న చక్కటి శీర్షికల గురించి పెద్దగా అవగాహన లేనట్టున్నది. పైగా వాళ్లకి తెలుగు కూడా రాదట. మనం వ్రాసే విషయాలు ఏమీ అర్ధం కావు.

చందమామ అభిమానులందరూ ఈ విషయం పైన వారి వారి అభిప్రాయాలను ఆంగ్లలో ఈ కింద ఇచ్చిన ఈ మెయిలు చిరునామాకు పంపగలరు.
editor@chandamama.com

మీరు వ్రాసిన మెయిలు ఈ కింద ఇచ్చిన చిరునామాలకు కూడా పంపగలరు

feedback@chandamama.com
abhiprayam@chandamama.com
online@chandamama.com

ఇందులో ఎవరో ఒక్కరు చదివి సరైన నిర్ణయం తీసుకుంటారని ఆశ.

మరవకండి, మీరు పంపాల్సిన మెయిలు ఆంగ్లంలోనే ఉండాలి. ఇప్పటి చందమామ అధిపతులు తెలుగు వారు కాదు.

ఎంతమంది అభిమానులు స్పందించి అన్ని ఈ మైళ్ళు చందమామ వారికి పంపితే అంతగా ఈ నిర్ణయాన్ని వారు నిలుపుచేసే అవకాశమున్నది. ఇంతకాలం నుండి మనం చూస్తున ఫోటో వ్యాఖ్యల పోటీ శీర్షిక కాపాడుకోవాలిసిన తరుణం వచ్చింది. అదే బాధాకరమైన విషయం.