శ్రీరామనవమి ప్రత్యక్ష ప్రసారం

ఆకాశవాణి మన జీవితాల్లో ఒక బాగంగా ఉన్న రోజుల్లో, ప్రతి పండుగకూ ప్రత్యెక కార్యక్రమాలు ఉండేవి. వాటన్నిటికీ తలమానికమైనది భద్రాచలం నుండి శ్రీరామనవమికి ఆకాశవాణి వారి చేసే ప్రత్యక్షప్రసారం.

ఈ ప్రత్యక్ష ప్రసారాలు వింటూ ఉంటే భద్రాచలంలో జరిగే సీతారామ కళ్యాణం చూస్తున్నట్టే ఉండేది. ఇప్పటి టి వి ప్రత్యక్ష ప్రసారం కూడ శబ్ద ప్రధానమైన ఆ ప్రత్యక్ష ప్రసారాల ముందు తీసికట్టే.

ఆనాటి ప్రత్యక్ష ప్రసారాల్లో ముఖ్యంగా జమ్మలమడక మాధవరాయశర్మ గారు నిజంగా రాముడు, సీత అక్కడ ఉన్నట్టుగా తాదాత్మ్యం పొంది అద్భుతంగా ప్రత్యక్ష ప్రసార వ్యాఖ్యానం చెప్పేవారు. ఆ మహా వ్యక్తి ఫోటో కోసం అంత గాలించినా దొరకలేదు. ఎవరిదగ్గరన్న ఉంటే పంపితే ఎంతో సంతోషం.

పైన ఒక రికార్డింగు 1986 లో ఏ మహానుభావుడు రికార్డింగు చేసిపెట్టారో కాని ఆ మహానుభావుడుకి శతకోటి వందనాలతో అందిస్తున్నాను.

ఈ రికార్డింగు కు సంబంధించిన ఫైలు శ్రీ శ్యాం నారాయణ అందించారు, వారికి ప్రత్యేక అభినందనలు .

అందరికీ శ్రీరామనవమి శుభాకాంక్షలు

===========================================

రాముడి పేరు చెప్పుకుని పబ్బం గడుపుకుంటూ, వెలుగులోకి వచ్చిన రాజకీయ పక్షం పరిపాలనలో ఉన్న కర్నాటక రాష్ట్రంలో శ్రీరామనవమి పండుగ కాదట, ఇదీ ఈ రాజకీయ పక్షానికి ఉన్న "రామ భక్తి! "
===========================================