శ్రీ చిత్రాచందమామ అంటేనే బొమ్మలకు ప్రసిద్ది. కథ ఏదైనా సరే (కథలు గొప్పవి కావని కాదు!) బొమ్మల ఆకర్షణలో ఆ కథ చదవకుండానే అర్ధమయ్యే రీతిలో ఉండేవి బొమ్మలు అప్పట్లో. ముఖ్యంగా "చిత్రా" గారి బొమ్మలు. పాతాళ దుర్గం అని ఒక ధారావాహిక 1960 లలో వచ్చింది. ఆ ధారావాహికలోది , ఒక పూర్తి పుట చిత్రం ఈ కింద ఇస్తున్నాను. ఇది పాతాళ దుర్గం లోపలి బొమ్మ. చూడండి చిత్రాగారు ఎంత చిత్రంగా చిత్రించారో!! పాతాళంలో ఉన్నవాళ్ళకి లైటు ఎలా అనుకునే పిల్లలకి చక్కగా తెలిసేట్టుగా అక్కడక్కడా ఆ అంతర్ గుహా నిర్మాణం లో ఉన్న రంధ్రాల నుండి "స్కై లైట్" లాగ సూర్య కిరణాలుఎలా ప్రసరిస్తున్నాయో. చక్కటి "Light & Shade effect" బొమ్మ పరిపూర్ణంగాఉన్నది. స్వతహాగా చక్కటి ఫోటోగ్రాఫర్ ఐన చిత్రాగారు, తన బొమ్మల్ని కూడా ఫోటో తీసినట్టు వేసేవారు. ఇకచూడండి ఆ అద్భుత చిత్రం.
చిత్రా గారి బొమ్మలతో నాకు "తోకచుక్క" కాలంలో పరిచయం.ఓ మారు చతుర్నేత్రుడి టోపీ వేలాడుతున్నట్టు గీశారు. భయం గొలుపుతూ ఉంటుందా బొమ్మ.
రిప్లయితొలగించండిచిత్రా గారి తర్వాత పైనుండి చూస్తున్నట్టుగా బొమ్మలు రాజి అనే కళాకారులు వేసారు.
ఇలాంటి విహంగ వీక్షణ (Bird's eye view) చిత్రాలను వేయటం చిత్రా గారి ప్రత్యేకత. ఇందులో కాంతికిరణాలను చాలా బాగా చూపించారు. ‘జ్వాలాదీపం’ సీరియల్ లోని అద్భుత చిత్రం కూడా చాలా ఎత్తు నుంచి దృశ్యాన్ని చూపించేదే. అది దాసరి గారి సంస్మరణ సంచికగా ప్రచురించిన ‘రచన’ ముఖచిత్రంగా వచ్చింది!
రిప్లయితొలగించండి