సరే, కరెంట్ ఉన్నది వాడుకుంటున్నాం అనుకుంటే బాగానే ఉన్నది. కాని కరెంట్ లేనప్పుడు కూడా ఎందుకు ఈ టి వి గోల. నా ఉద్దేశ్యంలో ఏ రాష్ట్రంలో కరెంట్ కొరత ఎక్కువగా ఉన్నదో అక్కడ టి వి ప్రసారాలను నియంత్రించాల్సిన పని ఉన్నది. పొద్దున్న ఆరు గంటలనుంచి ఎనిమిది గంటల వరకూ, ఆ తరువాత రాత్రి ఏడు గంటల నుంచి పదకొండు గంటలవరకే టి వి ప్రసారాలు చెయ్యాలని కఠినంగా అమలు చెయ్యగలిగితే, కనీసం కరెంటు కొరత ఎక్కువగా ఉండే వేసవి రెండు మూడు నెలలు, అనవసరపు కరెంట్ దుబారా తగ్గి కరెంట్ కట్ చెయ్యాల్సిన పని ఉండదు. సామజిక న్యాయం అంటూ ఎలుగెత్తి క్షణక్షణం గుర్తుచేసే చానెళ్ళు కూడా ఈ కరెంట్ కట్ దృష్టిలో పెట్టుకుని తమ ప్రసారాలను రోజల్లా కాకుండా (ఎలాగూ అసలు కార్యక్రమం ఆరు గంటలు మిగిలిన టైం అంతా అదే అదే వెయ్యటమే కదా!) రోజులో కొన్ని గంటలు మాత్రమే చేస్తే ప్రజలను కొంత వరకైనా కరెంట్ కట్ నుంచి కాపాడిన వారవుతారు.
ఆ తరువాత, పెద్ద పెద్ద మాల్స్, బట్టల కొట్లకు కరెంటు సరఫరా ఇవ్వటం మానెయ్యాలి. వాళ్ళు, తప్పనిసరిగా సోలార్ పవర్ ను వినియోగించేలా చెయ్యాలి. దీనివల్ల, ఎంతో కరెంటు ఆదా. మనకు సూర్య రశ్మికి ఏ మాత్రం కరువు లేదుకదా.
ఆ తరువాత, పెద్ద పెద్ద మాల్స్, బట్టల కొట్లకు కరెంటు సరఫరా ఇవ్వటం మానెయ్యాలి. వాళ్ళు, తప్పనిసరిగా సోలార్ పవర్ ను వినియోగించేలా చెయ్యాలి. దీనివల్ల, ఎంతో కరెంటు ఆదా. మనకు సూర్య రశ్మికి ఏ మాత్రం కరువు లేదుకదా.
మునిసిపాలిటీలు వీధి దీపాలు మొత్తం సోలార్ దీపాలనే వాడాలి.
మన రాష్ట్రం మొత్తం సంవత్సరంలో ఎప్పుడైనా సరే సూర్యరశ్మి కి లోటు లేదు కదా. కాబట్టి ప్రజలు ప్రభుత్వం సోలార్ పవర్ ను ఆశ్రయించే పద్ధతులను అమలుపరచటం మొదలుపెడితే, కరెంట్ కట్టే కట్ అయిపోతుంది.
మంచి ఆలోచన, కానీ సాధ్యం అవుతుందా!? వీధి దీపాలు పట్టపగలు కూడా వెలిగించే విద్యుత్ సేవలు ఉన్న నిర్లక్ష్య సిబ్బంది ఉన్న కాలం ఇది. ఒకవేళ వాళ్ళ భాద్యత లు గుర్తుచేసినా కోపమే!
రిప్లయితొలగించండిప్రజల అభిప్రాయాలు ప్రభుత్వాలకు పడతాయా..అండీ! రోజుకు ఎనిమిది గంటల కరంటు కోత.. లో ఇలాంటి ఆలోచనలు ఆచరణ లోకి వస్తే చాలా బాగుంటుంది.
"కానీ సాధ్యం అవుతుందా!?"
తొలగించండిసాధ్యాసాధ్యాల గురించి బేరీజు వేస్తూ మనకు వచ్చే మంచి ఆలోచనలను తుంచేసుకోకూడదని నా అభిప్రాయం. చెప్పగా చెప్పగా వినవచ్చు అన్న ఆశావాదం నాది.
ఎవరో ఒకరూ ఎపుడో అపుడూ నడవరా ముందుగా ! మొదటి అడుగు ఎప్పుడూ ఒంటరే మరి !!
రిప్లయితొలగించండిప్రసాద్ గారూ! మంచి సూచనలు చేశారు. అయితే ఇవి కేవలం విద్యుత్ ఆదానే కాదు .
కాలుష్యాన్ని ముఖ్యం గా మానసిక కాలుష్యాన్ని చాలావరకూ తగ్గిస్తుంది.
ముఖ్యం గా సోలార్ దీపాల వాడకం మంచి సూచన ఇది ఎక్కడైనా ప్రభుత్వాలు దృష్టిపెడితే సాధ్యం కానిదేమీ కాదు.
గతం లో టీ.వీ ప్రోగ్రాం వాళ్లకి మీరు చేసిన సూచన కూడా అలాగే మిగిలి ఉంది. కానీ చాలామందిని ఆలోచింపజేసింది.
మీరు ఇలాంటి సమాజానికి ఉపయోగపడే మరిన్ని పోస్టులు వ్రాయాలని కోరుతూ, మీరు సూచించిన విలువైన సూచనలు గురించి అందరూ ఆలోచించాలని ఆచరణకు ప్రభుత్వం పూనుకోవాలని ఆశిస్తున్నాను.