అప్పట్లో, దాదాపుగా 1980ల వరకూ కూడా పిల్లలు సైకిలు నేర్చుకోవటం అంటే ఈ " పక్క తొక్కుడు" పధ్ధతే. ఎందుకని అలా? ఇప్పుడు ఎందుకు లేదు! అప్పట్లో సైకిళ్ళు 22" లేదా 24" అంగుళాలుగా చెబుతూ అమ్మేవారు. ఏమిటీ 22/24 అంగుళాల కథ! అది సైకిలు చక్రపు కొలత, అంటే వ్యాసం (Diameter) 22 లేదా 24 అంగుళాలుగా ఉండేది. ఈ కొలతలతో సైకిలు ఎత్తు పెరగటం/తగ్గటంగా ఉండేది. ఇంతకంటే తక్కువ ఎత్తున్న సైకిళ్ళు దొరికేవి కావు, దొరికినా చాలా అరుదు. ఇప్పటి పిల్లలకు పక్కతొక్కుడు అంటే ఏమిటో తెలియదు, అవసరమూ లేదు! ఎందుకనీ!? అదే ఇవ్వాళ్టి విషయం.
పాతకాలంలోకి వెళ్ళి, అప్పట్లో పక్కతొక్కుడు ఎందుకు అవసరం అయిందో చూచెదము. సైకిలు, పైన చెప్పినట్టు, అంత ఎత్తు ఉంటే, 10-12 ఏళ్ళ కుర్రాళ్ళకు సీటు ఎక్కి తొక్కాలంటే పెడల్స్ అందేవి కావు. ఒకవేళ అందినా, ఒక పెడల్ అందితే రెండోది అందదు. అందుకని సైకిల్ నేర్చుకోవాలన్న ఉత్సాహం ఉన్న 10-12 ఏళ్ళ ఔత్సాహికులు, మధ్యమార్గంగా ఈ "పక్కతొక్కుడు" కనిపెట్టి చాలా ప్రాచుర్యంలోకి తీసుకు వచ్చారు. ఇప్పుడు 60 లు దాటిన తరం అంతా కూడా ముందుగా అలా సైకిలు పక్క తొక్కుడుతో నేర్చుకున్నవాళ్ళే. అప్పట్లో ఈ సైకిలు పక్కతొక్కుడు ఒక పెద్ద ప్రజ్ఞ.
ఇప్పుడు, 5-6 ఏళ్ళ వయస్సుల వాళ్ళు కూడా, సీటు మీద కూచుని తొక్కగలిగే తక్కువ ఎత్తు ఉన్న సైకిళ్ళు బాగా ప్రాచుర్యంలోకి వచ్చినాయి. ఇప్పటి పిల్లలు, వయస్సునుబట్టి వారివారి ఎత్తుకు సరిపడే సైకిళ్ళు కొనిపించుకుని చిన్నప్పటినుంచే సీటు మీద కూచుని తొక్కటం నేర్చేసుకుని, 4-5 తరగతులనుంచే జామ్మని సైకిల్ మీద స్కూళ్ళకు వెళ్ళటం కనపడుతుంటుంది. ఎత్తు తక్కువ సైకిళ్ళు మార్కెట్ లోకి 1980 ల చివరి రోజుల్లో రావటం మొదలుపెట్టగానే ఈ "పక్క తొక్కుడు" తో అవసరం లేక కనుమరుగు అయిపోయి, ఒకప్పటి ప్రజ్ఞగా మిగిలిపోయింది.
అలనాటి పక్కతొక్కుడు అద్భుతంగా చిత్రించిన అజ్ఞాత చిత్రకారుడికి ధన్యవాదాలు.
AI Gemini's Comment మీరు చెప్పినట్లు, 1980ల నాటి సైకిళ్ల పరిమాణం చాలా పెద్దదిగా ఉండేది. ఆ రోజుల్లో చిన్న పిల్లలు, ప్రత్యేకించి 10-12 ఏళ్ల కుర్రాళ్లు, నేరుగా సీటు మీద కూర్చుని పెడల్స్ తొక్కడం చాలా కష్టంగా ఉండేది. ఎందుకంటే వారి కాళ్లు పెడల్స్‌ను పూర్తిగా చేరుకునేవి కావు. అందుకే, ఆ కష్టం నుంచి పుట్టుకొచ్చిన ఒక సృజనాత్మక పరిష్కారమే ఈ పక్క తొక్కుడు.
రిప్లయితొలగించండిఈ పద్ధతిలో, పిల్లలు సైకిల్ ఫ్రేమ్‌ పక్క నుంచి తమ కాళ్లను పెట్టి, ఒక పెడల్‌ను తోసి, ముందుకు కదిలేవారు. ఇలా నెమ్మదిగా సైకిల్‌ను నడిపించడం నేర్చుకునేవారు. ఇది కేవలం ఒక పద్ధతి మాత్రమే కాదు, అది ఒక గొప్ప ప్రజ్ఞగా భావించేవారు. ఆ తరం వారికి ఇది ఒక ప్రత్యేకమైన నైపుణ్యంగా ఉండేది.
కాలం మారేకొద్దీ సైకిళ్ల పరిమాణం కూడా మారింది. 1980ల చివరి నుంచి చిన్న పిల్లల కోసం తక్కువ ఎత్తు ఉన్న సైకిళ్లు మార్కెట్‌లోకి వచ్చాయి. ఇవి పిల్లలు సులభంగా సీటు మీద కూర్చుని తొక్కడానికి అనువుగా ఉన్నాయి. ఈ మార్పు వల్ల, పాత పక్క తొక్కుడు పద్ధతి అవసరం లేకుండా పోయింది.
ప్రస్తుతం పిల్లలకు సైకిల్ నేర్చుకోవడం చాలా సులభం అయింది. వారు చిన్న వయస్సు నుంచే తమకు సరిపోయే సైకిళ్లను ఎంచుకుని, స్కూళ్లకు, ఆటలకు వెళ్తున్నారు. పక్క తొక్కుడు అనేది ఇప్పుడు కేవలం పాత తరం జ్ఞాపకంగా, ఒకనాటి గొప్ప నైపుణ్యంగా మాత్రమే మిగిలిపోయింది. ఈ పద్ధతిని గుర్తుచేసే ఈ అద్భుతమైన చిత్రాన్ని పంచుకున్నందుకు ధన్యవాదాలు.
ఈ చిత్రం నిజంగా ఆ కాలపు అనుభవాన్ని కళ్లకు కట్టినట్టు చూపించింది. మీ జ్ఞాపకాలను పంచుకున్నందుకు సంతోషంగా ఉంది.